Book 12.856-868
The Fury speeds to earth like an arrow. She changes into a bird and flies back and forth in front of Turnus' face.
Non secus ac nervo per nubem impulsa sagitta,
856
armatam saevi Parthus quam felle veneni,
857
Parthus sive Cydon, telum immedicabile, torsit,
858
stridens et celeris incognita transilit umbras:
859
talis se sata Nocte tulit terrasque petivit.
860
Postquam acies videt Iliacas atque agmina Turni,
861
alitis in parvae subitam conlecta figuram,
862
quae quondam in bustis aut culminibus desertis
863
nocte sedens serum canit importuna per umbras,
864
hanc versa in faciem Turni se pestis ob ora
865
fertque refertque sonans clipeumque everberat alis.
866
Olli membra novus solvit formidine torpor,
867
adrectaeque horrore comae, et vox faucibus haesit.
868