Book 9.390-401
Nisus wonders how he lost Euryalus. He sees Euryalus attacked by the troop of riders.
“Euryale infelix, qua te regione reliqui?
390
Quave sequar?” rursus perplexum iter omne revolvens
391
fallacis silvae simul et vestigia retro
392
observata legit dumisque silentibus errat.
393
Audit equos, audit strepitus et signa sequentum.
394
Nec longum in medio tempus, cum clamor ad auris
395
pervenit ac videt Euryalum, quem iam manus omnis
396
fraude loci et noctis, subito turbante tumultu,
397
oppressum rapit et conantem plurima frustra.
398
Quid faciat? Qua vi iuvenem, quibus audeat armis
399
eripere? An sese medios moriturus in enses
400
inferat et pulchram properet per volnera mortem?
401