Book 9.267-277
Ascanius continues promising gifts to Nisus, once Italy is captured. Ascanius promises friendship with Euryalus.
Si vero capere Italiam sceptrisque potiri
267
contigerit victori et praedae dicere sortem,
268
vidisti quo Turnus equo, quibus ibat in armis
269
aureus: ipsum illum, clipeum cristasque rubentis
270
excipiam sorti, iam nunc tua praemia, Nise.
271
Praeterea bis sex genitor lectissima matrum
272
corpora captivosque dabit suaque omnibus arma,
273
insuper his campi quod rex habet ipse Latinus.
274
Te vero, mea quem spatiis propioribus aetas
275
insequitur, venerande puer, iam pectore toto
276
accipio et comitem casus complector in omnis.
277