“Principio caelum ac terras camposque liquentis
724
lucentemque globum Lunae Titaniaque astra
725
spiritus intus alit, totamque infusa per artus
726
mens agitat molem et magno se corpore miscet.
727
Inde hominum pecudumque genus, vitaeque volantum,
728
et quae marmoreo fert monstra sub aequore pontus.
729
Igneus est ollis vigor et caelestis origo
730
seminibus, quantum non noxia corpora tardant,
731
terrenique hebetant artus moribundaque membra.
732
Hinc metuunt cupiuntque, dolent gaudentque, neque auras
733
dispiciunt clausae tenebris et carcere caeco.
734