Book 6.557-569
Aeneas asks about Tartarus. The Sibyl describes the horrors inflicted on the worst souls.
Hinc exaudiri gemitus, et saeva sonare
557
verbera; tum stridor ferri, tractaeque catenae.
558
Constitit Aeneas, strepitumque exterritus hausit.
559
“Quae scelerum facies, O virgo, effare; quibusve
560
urguentur poenis? Quis tantus plangor ad auras?”
561
Tum vates sic orsa loqui: “Dux inclute Teucrum,
562
nulli fas casto sceleratum insistere limen;
563
sed me cum lucis Hecate praefecit Avernis,
564
ipsa deum poenas docuit, perque omnia duxit.
565
Gnosius haec Rhadamanthus habet, durissima regna,
566
castigatque auditque dolos, subigitque fateri,
567
quae quis apud superos, furto laetatus inani,
568
distulit in seram commissa piacula mortem.
569