Ecce gubernator sese Palinurus agebat,
337
qui Libyco nuper cursu, dum sidera servat,
338
exciderat puppi mediis effusus in undis.
339
Hunc ubi vix multa maestum cognovit in umbra,
340
sic prior adloquitur: “Quis te, Palinure, deorum
341
eripuit nobis, medioque sub aequore mersit?
342
Dic age. Namque mihi, fallax haud ante repertus,
343
hoc uno responso animum delusit Apollo,
344
qui fore te ponto incolumem, finesque canebat
345
venturum Ausonios. En haec promissa fides est?”
346