Book 6.327-336
The Sibyl informs Aeneas that unburied souls must wait for one hundred years before crossing. Aeneas pities them and sees Trojans lost at sea.
Nec ripas datur horrendas et rauca fluenta
327
transportare prius quam sedibus ossa quierunt.
328
Centum errant annos volitantque haec litora circum;
329
tum demum admissi stagna exoptata revisunt.”
330
Constitit Anchisa satus et vestigia pressit,
331
multa putans, sortemque animo miseratus iniquam.
332
Cernit ibi maestos et mortis honore carentes
333
Leucaspim et Lyciae ductorem classis Oronten,
334
quos, simul ab Troia ventosa per aequora vectos,
335
obruit Auster, aqua involvens navemque virosque.
336