Hic victor, superans animis tauroque superbus:
473
“Nate dea, vosque haec” inquit “cognoscite, Teucri,
474
et mihi quae fuerint iuvenali in corpore vires,
475
et qua servetis revocatum a morte Dareta.”
476
Dixit, et adversi contra stetit ora iuvenci,
477
qui donum adstabat pugnae, durosque reducta
478
libravit dextra media inter cornua caestus,
479
arduus, effractoque inlisit in ossa cerebro.
480
sternitur exanimisque tremens procumbit humi bos.
481
Ille super tales effundit pectore voces:
482
“Hanc tibi, Eryx, meliorem animam pro morte Daretis
483
persolvo; hic victor caestus artemque repono.”
484