Book 5.461-472
Aeneas intervenes in the fight and speaks to Dares. His friends lead him back to the ships and Entellus receives the first prize.
Tum pater Aeneas procedere longius iras
461
et saevire animis Entellum haud passus acerbis;
462
sed finem imposuit pugnae, fessumque Dareta
463
eripuit mulcens dictis, ac talia fatur:
464
“Infelix, quae tanta animum dementia cepit?
465
Non vires alias conversaque numina sentis?
466
Cede deo.” Dixitque et proelia voce diremit.
467
Ast illum fidi aequales, genua aegra trahentem,
468
iactantemque utroque caput, crassumque cruorem
469
ore eiectantem mixtosque in sanguine dentes,
470
ducunt ad naves; galeamque ensemque vocati
471
accipiunt; palmam Entello taurumque relinquunt.
472