Book 5.286-302
The next contest is a foot race. Aeneas chooses a spot, and competitors gather.
Hoc pius Aeneas misso certamine tendit
286
gramineum in campum, quem collibus undique curvis
287
cingebant silvae, mediaque in valle theatri
288
circus erat; quo se multis cum milibus heros
289
consessu medium tulit exstructoque resedit.
290
Hic, qui forte velint rapido contendere cursu,
291
invitat pretiis animos, et praemia ponit.
292
Undique conveniunt Teucri mixtique Sicani,
293
Nisus et Euryalus primi,
294
Euryalus forma insignis viridique iuventa,
295
Nisus amore pio pueri; quos deinde secutus
296
regius egregia Priami de stirpe Diores;
297
hunc Salius simul et Patron, quorum alter Acarnan,
298
alter ab Arcadio Tegeaeae sanguine gentis;
299
tum duo Trinacrii iuvenes, Helymus Panopesque,
300
adsueti silvis, comites senioris Acestae;
301
multi praeterea, quos fama obscura recondit.
302