Book 4.31-44
Anna replies, and advises her to think not about the past but about her present situation.
Anna refert: “O luce magis dilecta sorori,
31
solane perpetua maerens carpere iuventa,
32
nec dulcis natos, Veneris nec praemia noris?
33
Id cinerem aut Manis credis curare sepultos?
34
Esto: aegram nulli quondam flexere mariti,
35
non Libyae, non ante Tyro; despectus Iarbas
36
ductoresque alii, quos Africa terra triumphis
37
dives alit: placitone etiam pugnabis amori?
38
Nec venit in mentem, quorum consederis arvis?
39
Hinc Gaetulae urbes, genus insuperabile bello,
40
et Numidae infreni cingunt et inhospita Syrtis;
41
hinc deserta siti regio, lateque furentes
42
Barcaei. Quid bella Tyro surgentia dicam,
43
germanique minas?
44