Sensit, et ad sonitum vocis vestigia torsit;
669
verum ubi nulla datur dextra adfectare potestas,
670
nec potis Ionios fluctus aequare sequendo,
671
clamorem immensum tollit, quo pontus et omnes
672
contremuere undae, penitusque exterrita tellus
673
Italiae, curvisque immugiit Aetna cavernis.
674
At genus e silvis Cyclopum et montibus altis
675
excitum ruit ad portus et litora complent.
676
Cernimus adstantis nequiquam lumine torvo
677
Aetnaeos fratres, caelo capita alta ferentis,
678
concilium horrendum: quales cum vertice celso
679
aeriae quercus, aut coniferae cyparissi
680
constiterunt, silva alta Iovis, lucusve Dianae.
681