Book 3.641-654
Achaemenides concludes his story, and tells the Trojans how he survived after the departure of Ulysses.
Nam qualis quantusque cavo Polyphemus in antro
641
lanigeras claudit pecudes atque ubera pressat,
642
centum alii curva haec habitant ad litora volgo
643
infandi Cyclopes, et altis montibus errant.
644
Tertia iam lunae se cornua lumine complent,
645
cum vitam in silvis inter deserta ferarum
646
lustra domosque traho, vastosque ab rupe Cyclopas
647
prospicio, sonitumque pedum vocemque tremesco.
648
Victum infelicem, bacas lapidosaque corna,
649
dant rami et volsis pascunt radicibus herbae.
650
Omnia conlustrans, hanc primum ad litora classem
651
conspexi venientem. Huic me, quaecumque fuisset,
652
addixi: satis est gentem effugisse nefandam.
653
Vos animam hanc potius quocumque absumite leto.”
654