Book 3.506-520
The Trojans set sail. Exhausted, they rest on a beach before crossing to Italy.
Provehimur pelago vicina Ceraunia iuxta,
506
unde iter Italiam cursusque brevissimus undis.
507
Sol ruit interea et montes umbrantur opaci;
508
sternimur optatae gremio telluris ad undam,
509
sortiti remos, passimque in litore sicco
510
corpora curamus; fessos sopor inrigat artus.
511
Necdum orbem medium Nox horis acta subibat:
512
haud segnis strato surgit Palinurus et omnis
513
explorat ventos, atque auribus aera captat;
514
sidera cuncta notat tacito labentia caelo,
515
Arcturum pluviasque Hyadas geminosque Triones,
516
armatumque auro circumspicit Oriona.
517
Postquam cuncta videt caelo constare sereno,
518
dat clarum e puppi signum; nos castra movemus,
519
temptamusque viam et velorum pandimus alas.
520