Nec tacui demens, et me, fors si qua tulisset,
94
si patrios umquam remeassem victor ad Argos,
95
promisi ultorem, et verbis odia aspera movi.
96
Hinc mihi prima mali labes, hinc semper Ulixes
97
criminibus terrere novis, hinc spargere voces
98
in volgum ambiguas, et quaerere conscius arma.
99
Nec requievit enim, donec Calchante ministro –
100
sed quid ego haec autem nequiquam ingrata revolvo?
101
Quidve moror, si omnis uno ordine habetis Achivos,
102
idque audire sat est? Iamdudum sumite poenas,
103
hoc Ithacus velit, et magno mercentur Atridae.”
104