Book 12.70-80
Turnus tells Amata that he will fight Aeneas and the war will be resolved at dawn on the next day.
Illum turbat amor, figitque in virgine voltus:
70
ardet in arma magis paucisque adfatur Amatam.
71
“Ne, quaeso, ne me lacrimis neve omine tanto
72
prosequere in duri certamina Martis euntem,
73
O mater; neque enim Turno mora libera mortis.
74
Nuntius haec Idmon Phrygio mea dicta tyranno
75
haud placitura refer: cum primum crastina caelo
76
puniceis invecta rotis Aurora rubebit,
77
non Teucros agat in Rutulos, Teucrum arma quiescant
78
et Rutuli; nostro dirimamus sanguine bellum,
79
illo quaeratur coniunx Lavinia campo.”
80