Book 12.565-575
Aeneas tells his men to besiege Latinus' city. He expresses frustration at not being able to fight Turnus.
“Ne qua meis esto dictis mora; Iuppiter hac stat,
565
neu quis ob inceptum subitum mihi segnior ito.
566
Urbem hodie, causam belli, regna ipsa Latini,
567
ni frenum accipere et victi parere fatentur,
568
eruam et aequa solo fumantia culmina ponam.
569
Scilicet exspectem, libeat dum proelia Turno
570
nostra pati rursusque velit concurrere victus?
571
Hoc caput, O cives, haec belli summa nefandi:
572
ferte faces propere foedusque reposcite flammis.”
573
Dixerat, atque animis pariter certantibus omnes
574
dant cuneum densaque ad muros mole feruntur.
575