Book 12.468-480
Juturna impersonates Metiscus, Turnus' charioteer, and she drives her brother away from Aeneas.
Hoc concussa metu mentem Iuturna virago
468
aurigam Turni media inter lora Metiscum
469
excutit et longe lapsum temone relinquit:
470
ipsa subit manibusque undantis flectit habenas,
471
cuncta gerens, vocemque et corpus et arma Metisci.
472
Nigra velut magnas domini cum divitis aedes
473
pervolat et pennis alta atria lustrat hirundo,
474
pabula parva legens nidisque loquacibus escas,
475
et nunc porticibus vacuis, nunc umida circum
476
stagna sonat: similis medios Iuturna per hostis
477
fertur equis rapidoque volans obit omnia curru
478
iamque hic germanum iamque hic ostentat ovantem
479
nec conferre manum patitur, volat avia longe.
480