Book 12.450-461
Aeneas flies over the battefield like a storm cloud coming from the sea. The Trojan leaders kill many Italians.
Ille volat campoque atrum rapit agmen aperto.
450
Qualis ubi ad terras abrupto sidere nimbus
451
it mare per medium; miseris heu praescia longe
452
horrescunt corda agricolis, dabit ille ruinas
453
arboribus stragemque satis, ruet omnia late;
454
ante volant sonitumque ferunt ad litora venti:
455
talis in adversos ductor Rhoeteius hostis
456
agmen agit, densi cuneis se quisque coactis
457
adglomerant. Ferit ense gravem Thymbraeus Osirim,
458
Archetium Mnestheus, Epulonem obtruncat Achates
459
Ufentemque Gyas; cadit ipse Tolumnius augur,
460
primus in adversos telum qui torserat hostis.
461