Book 12.383-394
Mnestheus, Achates, and Ascanius bring wounded Aeneas back to their camp. Iapyx, dear to Apollo, arrives to help Aeneas.
Atque ea dum campis victor dat funera Turnus,
383
interea Aenean Mnestheus et fidus Achates
384
Ascaniusque comes castris statuere cruentum,
385
alternos longa nitentem cuspide gressus.
386
Saevit et infracta luctatur harundine telum
387
eripere auxilioque viam, quae proxima, poscit
388
ense secent lato vulnus telique latebram
389
rescindant penitus seseque in bella remittant.
390
Iamque aderat Phoebo ante alios dilectus Iapyx
391
Iasides, acri quondam cui captus amore
392
ipse suas artes, sua munera, laetus Apollo
393
augurium citharamque dabat celerisque sagittas.
394