Book 12.238-246
The Italians are persuaded by Juturna's words and long for war.
Talibus incensa est iuvenum sententia dictis
238
iam magis atque magis, serpitque per agmina murmur;
239
ipsi Laurentes mutati ipsique Latini.
240
Qui sibi iam requiem pugnae rebusque salutem
241
sperabant, nunc arma volunt foedusque precantur
242
infectum et Turni sortem miserantur iniquam.
243
His aliud maius Iuturna adiungit et alto
244
dat signum caelo, quo non praesentius ullum
245
turbavit mentes Italas monstroque fefellit.
246