Book 12.18-31
Latinus calmly responds. He tells Turnus that he should not have promised Lavinia to him.
Olli sedato respondit corde Latinus:
18
“O praestans animi iuvenis, quantum ipse feroci
19
virtute exsuperas, tanto me impensius aequum est
20
consulere atque omnis metuentem expendere casus.
21
Sunt tibi regna patris Dauni, sunt oppida capta
22
multa manu, nec non aurumque animusque Latino est;
23
sunt aliae innuptae Latio et Laurentibus arvis,
24
nec genus indecores. Sine me haec haud mollia fatu
25
sublatis aperire dolis, simul hoc animo hauri.
26
Me natam nulli veterum sociare procorum
27
fas erat, idque omnes divique hominesque canebant.
28
Victus amore tui, cognato sanguine victus
29
coniugis et maestae lacrumis, vincla omnia rupi:
30
promissam eripui genero, arma impia sumpsi.
31