Book 10.874-887
Aeneas rejoices in facing Mezentius, who chides him over the death of his son. Mezentius rides around Aeneas, hurling spears.
Aeneas agnovit enim laetusque precatur:
874
“Sic pater ille deum faciat, sic altus Apollo,
875
incipias conferre manum.”
876
Tantum effatus et infesta subit obvius hasta.
877
Ille autem: “Quid me erepto, saevissime, nato
878
terres? Haec via sola fuit, qua perdere posses.
879
Nec mortem horremus nec divom parcimus ulli.
880
Desine: nam venio moriturus et haec tibi porto
881
dona prius.” Dixit telumque intorsit in hostem;
882
inde aliud super atque aliud figitque volatque
883
ingenti gyro, sed sustinet aureus umbo.
884
Ter circum adstantem laevos equitavit in orbes
885
tela manu iaciens, ter secum Troius heros
886
immanem aerato circumfert tegmine silvam.
887