Book 10.702-713
Mezentius kills Evanthes and Mimas. Mezentius is like a boar driven from the hills and attacked by hunters.
Nec non Euanthen Phrygium Paridisque Mimanta
702
aequalem comitemque, una quem nocte Theano
703
in lucem genitori Amyco dedit et face praegnans
704
Cisseis regina Parim; Paris urbe paterna
705
occubat, ignarum Laurens habet ora Mimanta.
706
Ac velut ille canum morsu de montibus altis
707
actus aper, multos Vesulus quem pinifer annos
708
defendit multosque palus Laurentia, silva
709
pastus harundinea, postquam inter retia ventum est,
710
substitit infremuitque ferox et inhorruit armos,
711
nec cuiquam irasci propiusque accedere virtus,
712
sed iaculis tutisque procul clamoribus instant;
713