Book 10.666-679
Turnus prays to Jupiter. He asks him why he is forced to leave the battle and begs for pity.
Respicit ignarus rerum ingratusque salutis
666
et duplicis cum voce manus ad sidera tendit:
667
“Omnipotens genitor, tanton me crimine dignum
668
duxisti et talis voluisti expendere poenas?
669
Quo feror? Unde abii? Quae me fuga quemve reducit?
670
Laurentisne iterum muros aut castra videbo?
671
Quid manus illa virum, qui me meaque arma secuti?
672
Quosne (nefas) omnis infanda in morte reliqui
673
et nunc palantis video gemitumque cadentum
674
accipio! Quid ago? Aut quae iam satis ima dehiscat
675
terra mihi? Vos O potius miserescite venti:
676
in rupes, in saxa, volens vos Turnus adoro
677
ferte ratem saevisque vadis immittite Syrtis,
678
quo neque me Rutuli nec conscia fama sequatur.”
679