Book 10.297-307
The Etruscan ships run aground, but Tarchon's ship is stuck on a ridge in the water.
Frangere nec tali puppim statione recuso
297
arrepta tellure semel.” Quae talia postquam
298
effatus Tarchon, socii consurgere tonsis
299
spumantisque rates arvis inferre Latinis,
300
donec rostra tenent siccum et sedere carinae
301
omnes innocuae, sed non puppis tua, Tarchon.
302
Namque inflicta vadis dorso dum pendet iniquo,
303
anceps sustentata diu fluctusque fatigat,
304
solvitur atque viros mediis exponit in undis
305
fragmina remorum quos et fluitantia transtra
306
impediunt, retrahitque pedem simul unda relabens.
307