Book 10.246-259
Aeneas marvels at the nymphs, then offers a prayer to Cybele concerning the battle to come.
Dixerat, et dextra discedens impulit altam
246
haud ignara modi puppim: fugit illa per undas
247
ocior et iaculo et ventos aequante sagitta.
248
Inde aliae celerant cursus. Stupet inscius ipse
249
Tros Anchisiades; animos tamen omine tollit.
250
Tum breviter super adspectans convexa precatur:
251
“Alma parens Idaea deum, cui Dindyma cordi
252
turrigeraeque urbis biiugique ad frena leones,
253
tu mihi nunc pugnae princeps, tu rite propinques
254
augurium Phrygibusque adsis pede, diva, secundo.”
255
Tantum effatus. Et interea revoluta ruebat
256
matura iam luce dies noctemque fugarat:
257
principio sociis edicit, signa sequantur
258
atque animos aptent armis pugnaeque parent se.
259