Postquam prima quies epulis, mensaeque remotae,
723
crateras magnos statuunt et vina coronant.
724
Fit strepitus tectis, vocemque per ampla volutant
725
atria; dependent lychni laquearibus aureis
726
incensi, et noctem flammis funalia vincunt.
727
Hic regina gravem gemmis auroque poposcit
728
implevitque mero pateram, quam Belus et omnes
729
a Belo soliti; tum facta silentia tectis:
730
“Iuppiter, hospitibus nam te dare iura loquuntur,
731
hunc laetum Tyriisque diem Troiaque profectis
732
esse velis, nostrosque huius meminisse minores.
733
Adsit laetitiae Bacchus dator, et bona Iuno;
734
et vos, O, coetum, Tyrii, celebrate faventes.”
735