Book 1.676-688
Venus instructs Cupid on how to infect Dido with love for Aeneas.
Qua facere id possis, nostram nunc accipe mentem.
676
Regius accitu cari genitoris ad urbem
677
Sidoniam puer ire parat, mea maxima cura,
678
dona ferens, pelago et flammis restantia Troiae:
679
hunc ego sopitum somno super alta Cythera
680
aut super Idalium sacrata sede recondam,
681
ne qua scire dolos mediusve occurrere possit.
682
Tu faciem illius noctem non amplius unam
683
falle dolo, et notos pueri puer indue voltus,
684
ut, cum te gremio accipiet laetissima Dido
685
regalis inter mensas laticemque Lyaeum,
686
cum dabit amplexus atque oscula dulcia figet,
687
occultum inspires ignem fallasque veneno.”
688