Book 1.664-675
Venus, in fear of some deception by Juno to keep Aeneas away from Italy, begins to tell Cupid her plan.
“Nate, meae vires, mea magna potentia solus,
664
nate, patris summi qui tela Typhoea temnis,
665
ad te confugio et supplex tua numina posco.
666
Frater ut Aeneas pelago tuus omnia circum
667
litora iactetur odiis Iunonis acerbae,
668
nota tibi, et nostro doluisti saepe dolore.
669
Hunc Phoenissa tenet Dido blandisque moratur
670
vocibus; et vereor, quo se Iunonia vertant
671
hospitia; haud tanto cessabit cardine rerum.
672
Quocirca capere ante dolis et cingere flamma
673
reginam meditor, ne quo se numine mutet,
674
sed magno Aeneae mecum teneatur amore.
675