Book 9.806-818
Turnus is overwhelmed and Mnestheus redoubles his attack. Exhausted from the fight at last, Turnus leaps into the river Tiber and is brought back to his troops.
Ergo nec clipeo iuvenis subsistere tantum
806
nec dextra valet: iniectis sic undique telis
807
obruitur. Strepit adsiduo cava tempora circum
808
tinnitu galea, et saxis solida aera fatiscunt,
809
discussaeque iubae capiti, nec sufficit umbo
810
ictibus: ingeminant hastis et Troes et ipse
811
fulmineus Mnestheus. Tum toto corpore sudor
812
liquitur et piceum, nec respirare potestas,
813
flumen agit; fessos quatit aeger anhelitus artus.
814
Tum demum praeceps saltu sese omnibus armis
815
in fluvium dedit: ille suo cum gurgite flavo
816
accepit venientem ac mollibus extulit undis
817
et laetum sociis abluta caede remisit.
818