Book 9.176-187
While guarding a gate, Nisus tells Euryalus that he longs to fight.
Nisus erat portae custos, acerrimus armis,
176
Hyrtacides, comitem Aeneae quem miserat Ida
177
venatrix iaculo celerem levibusque sagittis;
178
et iuxta comes Euryalus, quo pulchrior alter
179
non fuit Aeneadum Troiana neque induit arma,
180
ora puer prima signans intonsa iuventa.
181
His amor unus erat, pariterque in bella ruebant:
182
tum quoque communi portam statione tenebant.
183
Nisus ait: “Dine hunc ardorem mentibus addunt,
184
Euryale, an sua cuique deus fit dira cupido?
185
Aut pugnam aut aliquid iamdudum invadere magnum
186
mens agitat mihi nec placida contenta quiete est.
187