Book 8.597-607
Aeneas and his companions approach Caere, near where Tarchon and the Etruscans are encamped.
Est ingens gelidum lucus prope Caeritis amnem,
597
religione patrum late sacer; undique colles
598
inclusere cavi et nigra nemus abiete cingunt.
599
Silvano fama est veteres sacrasse Pelasgos,
600
arvorum pecorisque deo, lucumque diemque,
601
qui primi finis aliquando habuere Latinos:
602
haud procul hinc Tarcho et Tyrrheni tuta tenebant
603
castra locis, celsoque omnis de colle videri
604
iam poterat legio et latis tendebat in arvis.
605
Huc pater Aeneas et bello lecta iuventus
606
succedunt fessique et equos et corpora curant.
607