Book 8.508-519
Evander claims to be too old, and his son Pallas is only half-foreign. Aeneas must be the foreign leader prophesy mentions. Evander entrusts Pallas and troops to Aeneas.
Sed mihi tarda gelu saeclisque effeta senectus
508
invidet imperium seraeque ad fortia vires.
509
natum exhortarer, ni mixtus matre Sabella
510
hinc partem patriae traheret. Tu, cuius et annis
511
et generi fata indulgent, quem numina poscunt,
512
ingredere, o Teucrum atque Italum fortissime ductor.
513
hunc tibi praeterea, spes et solacia nostri,
514
Pallanta adiungam; sub te tolerare magistro
515
militiam et grave Martis opus, tua cernere facta
516
adsuescat primis et te miretur ab annis.
517
Arcadas huic equites bis centum, robora pubis
518
lecta dabo totidemque suo tibi nomine Pallas.”
519