Book 8.439-453
Vulcan orders the Cyclopes to abandon their work and start construction on armor for Aeneas. They obey and craft a seven-layered shield.
“Tollite cuncta” inquit “coeptosque auferte labores,
439
Aetnaei Cyclopes, et huc advertite mentem:
440
arma acri facienda viro. Nunc viribus usus,
441
nunc manibus rapidis, omni nunc arte magistra.
442
Praecipitate moras.” Nec plura effatus; at illi
443
ocius incubuere omnes pariterque laborem
444
sortiti. Fluit aes rivis aurique metallum,
445
volnificusque chalybs vasta fornace liquescit.
446
Ingentem clipeum informant, unum omnia contra
447
tela Latinorum, septenosque orbibus orbes
448
impediunt. Alii ventosis follibus auras
449
accipiunt redduntque, alii stridentia tingunt
450
aera lacu. Gemit impositis incudibus antrum.
451
Illi inter sese multa vi bracchia tollunt
452
in numerum versantque tenaci forcipe massam.
453