Book 8.247-258
Hercules attacked Cacus from above. Cacus spewed forth black smoke which filled the cave.
Ergo insperata deprensum luce repente
247
inclusumque cavo saxo atque insueta rudentem
248
desuper Alcides telis premit omniaque arma
249
advocat et ramis vastisque molaribus instat.
250
Ille autem, neque enim fuga iam super ulla pericli,
251
faucibus ingentem fumum (mirabile dictu)
252
evomit involvitque domum caligine caeca,
253
prospectum eripiens oculis, glomeratque sub antro
254
fumiferam noctem commixtis igne tenebris.
255
Non tulit Alcides animis seque ipse per ignem
256
praecipiti iecit saltu, qua plurimus undam
257
fumus agit nebulaque ingens specus aestuat atra.
258