Book 7.92-106
Latinus performed sacrifices and was told to wed Lavinia to a foreigner, who would make the Latin name famous.
Hic et tum pater ipse petens responsa Latinus
92
centum lanigeras mactabat rite bidentis
93
atque harum effultus tergo stratisque iacebat
94
velleribus: subita ex alto vox reddita luco est:
95
“Ne pete conubiis natam sociare Latinis,
96
O mea progenies, thalamis neu crede paratis:
97
externi venient generi, qui sanguine nostrum
98
nomen in astra ferant quorumque a stirpe nepotes
99
omnia sub pedibus, qua Sol utrumque recurrens
100
aspicit Oceanum, vertique regique videbunt.”
101
Haec responsa patris Fauni monitusque silenti
102
nocte datos non ipse suo premit ore Latinus,
103
sed circum late volitans iam Fama per urbes
104
Ausonias tulerat, cum Laomedontia pubes
105
gramineo ripae religavit ab aggere classem.
106