Cervus erat forma praestanti et cornibus ingens,
483
Tyrrhidae pueri quem matris ab ubere raptum
484
nutribant Tyrrhusque pater, cui regia parent
485
armenta et late custodia credita campi.
486
Adsuetum imperiis soror omni Silvia cura
487
mollibus intexens ornabat cornua sertis
488
pectebatque ferum puroque in fonte lavabat.
489
Ille, manum patiens mensaeque adsuetus erili,
490
errabat silvis rursusque ad limina nota
491
ipse domum sera quamvis se nocte ferebat.
492