Book 7.15-24
The Trojans hear the sounds of savage beasts, men whom Circe had transformed.
Hinc exaudiri gemitus iraeque leonum
15
vincla recusantum et sera sub nocte rudentum,
16
saetigerique sues atque in praesaepibus ursi
17
saevire ac formae magnorum ululare luporum,
18
quos hominum ex facie dea saeva potentibus herbis
19
induerat Circe in voltus ac terga ferarum.
20
Quae ne monstra pii paterentur talia Troes
21
delati in portus neu litora dira subirent,
22
Neptunus ventis implevit vela secundis
23
atque fugam dedit et praeter vada fervida vexit.
24