Book 7.135-147
Aeneas prays to the gods and the Trojans rejoice in finally arriving. Jupiter sends a thunderous omen.
Sic deinde effatus frondenti tempora ramo
135
implicat et geniumque loci primamque deorum
136
Tellurem nymphasque et adhuc ignota precatur
137
flumina, tum Noctem Noctisque orientia signa
138
Idaeumque Iovem Phrygiamque ex ordine matrem
139
invocat et duplicis caeloque ereboque parentis.
140
Hic pater omnipotens ter caelo clarus ab alto
141
intonuit radiisque ardentem lucis et auro
142
ipse manu quatiens ostendit ab aethere nubem.
143
Diditur hic subito Troiana per agmina rumor
144
advenisse diem, quo debita moenia condant.
145
Certatim instaurant epulas atque omine magno
146
crateras laeti statuunt et vina coronant.
147