Book 6.83-97
Apollo warns the Trojans of coming misfortunes in Latium. There will be another Trojan War.
“O tandem magnis pelagi defuncte periclis!
83
Sed terrae graviora manent. In regna Lavini
84
Dardanidae venient; mitte hanc de pectore curam;
85
sed non et venisse volent. Bella, horrida bella,
86
et Thybrim multo spumantem sanguine cerno.
87
Non Simois tibi, nec Xanthus, nec Dorica castra
88
defuerint; alius Latio iam partus Achilles,
89
natus et ipse dea; nec Teucris addita Iuno
90
usquam aberit; cum tu supplex in rebus egenis
91
quas gentes Italum aut quas non oraveris urbes!
92
Causa mali tanti coniunx iterum hospita Teucris
93
externique iterum thalami.
94
Tu ne cede malis, sed contra audentior ito,
95
qua tua te Fortuna sinet. Via prima salutis,
96
quod minime reris, Graia pandetur ab urbe.”
97