Book 6.756-770
Anchises begins describing the descendants of Aeneas, starting with Silvius, Aeneas' future son, and other kings of Alba Longa.
“Nunc age, Dardaniam prolem quae deinde sequatur
756
gloria, qui maneant Itala de gente nepotes,
757
inlustris animas nostrumque in nomen ituras,
758
expediam dictis, et te tua fata docebo.
759
Ille, vides, pura iuvenis qui nititur hasta,
760
proxuma sorte tenet lucis loca, primus ad auras
761
aetherias Italo commixtus sanguine surget,
762
Silvius, Albanum nomen, tua postuma proles,
763
quem tibi longaevo serum Lavinia coniunx
764
educet silvis regem regumque parentem,
765
unde genus Longa nostrum dominabitur Alba.
766
Proxumus ille Procas, Troianae gloria gentis,
767
et Capys, et Numitor, et qui te nomine reddet
768
Silvius Aeneas, pariter pietate vel armis
769
egregius, si umquam regnandam acceperit Albam.
770