Haec ubi dicta dedit Phoebi longaeva sacerdos:
628
“Sed iam age, carpe viam et susceptum perfice munus;
629
adceleremus” ait; “Cyclopum educta caminis
630
moenia conspicio atque adverso fornice portas,
631
haec ubi nos praecepta iubent deponere dona.”
632
Dixerat, et pariter, gressi per opaca viarum,
633
corripiunt spatium medium, foribusque propinquant.
634
Occupat Aeneas aditum, corpusque recenti
635
spargit aqua, ramumque adverso in limine figit.
636