Book 6.595-607
Next, the Sibyl talks about the tortures of Tityus and the Lapith kings, Ixion and Pirithous.
Nec non et Tityon, Terrae omniparentis alumnum,
595
cernere erat, per tota novem cui iugera corpus
596
porrigitur, rostroque immanis voltur obunco
597
immortale iecur tondens fecundaque poenis
598
viscera, rimaturque epulis, habitatque sub alto
599
pectore, nec fibris requies datur ulla renatis.
600
[Quid memorem Lapithas, Ixiona Pirithoumque?]
601
quos super atra silex iam iam lapsura cadentique
602
imminet adsimilis; lucent genialibus altis
603
aurea fulcra toris, epulaeque ante ora paratae
604
regifico luxu; Furiarum maxima iuxta
605
accubat, et manibus prohibet contingere mensas,
606
exsurgitque facem attollens, atque intonat ore.
607