Book 6.456-466
Aeneas pleads his case with Dido, and claims he was forced by the Fates to leave her.
“Infelix Dido, verus mihi nuntius ergo
456
venerat exstinctam, ferroque extrema secutam?
457
Funeris heu tibi causa fui? Per sidera iuro,
458
per superos, et si qua fides tellure sub ima est,
459
invitus, regina, tuo de litore cessi.
460
Sed me iussa deum, quae nunc has ire per umbras,
461
per loca senta situ cogunt noctemque profundam,
462
imperiis egere suis; nec credere quivi
463
hunc tantum tibi me discessu ferre dolorem.
464
Siste gradum, teque aspectu ne subtrahe nostro.
465
Quem fugis? Extremum fato, quod te adloquor, hoc est.”
466