Book 6.358-371
Palinurus continues his story. He washed up on shore and was attacked by natives, and now lies unburied.
Paulatim adnabam terrae; iam tuta tenebam,
358
ni gens crudelis madida cum veste gravatum
359
prensantemque uncis manibus capita aspera montis
360
ferro invasisset, praedamque ignara putasset.
361
Nunc me fluctus habet, versantque in litore venti.
362
Quod te per caeli iucundum lumen et auras,
363
per genitorem oro, per spes surgentis Iuli,
364
eripe me his, invicte, malis: aut tu mihi terram
365
inice, namque potes, portusque require Velinos;
366
aut tu, si qua via est, si quam tibi diva creatrix
367
ostendit – neque enim, credo, sine numine divom
368
flumina tanta paras Stygiamque innare paludem –
369
da dextram misero, et tecum me tolle per undas,
370
sedibus ut saltem placidis in morte quiescam.”
371