Book 6.268-281
Aeneas and the Sibyl go through the gloomy halls of Dis. Before the entrance they see personified monsters.
Ibant obscuri sola sub nocte per umbram,
268
perque domos Ditis vacuas et inania regna:
269
quale per incertam lunam sub luce maligna
270
est iter in silvis, ubi caelum condidit umbra
271
Iuppiter, et rebus nox abstulit atra colorem.
272
Vestibulum ante ipsum, primisque in faucibus Orci
273
Luctus et ultrices posuere cubilia Curae;
274
pallentesque habitant Morbi, tristisque Senectus,
275
et Metus, et malesuada Fames, ac turpis Egestas,
276
terribiles visu formae: Letumque, Labosque;
277
tum consanguineus Leti Sopor, et mala mentis
278
Gaudia, mortiferumque adverso in limine Bellum,
279
ferreique Eumenidum thalami, et Discordia demens,
280
vipereum crinem vittis innexa cruentis.
281