Book 6.226-235
The Trojans conclude the funeral rite for Misenus. Aeneas builds a mound for his tomb.
Postquam conlapsi cineres et flamma quievit
226
reliquias vino et bibulam lavere favillam,
227
ossaque lecta cado texit Corynaeus aeno.
228
Idem ter socios pura circumtulit unda,
229
spargens rore levi et ramo felicis olivae,
230
lustravitque viros, dixitque novissima verba.
231
At pius Aeneas ingenti mole sepulcrum
232
imponit, suaque arma viro, remumque tubamque,
233
monte sub aerio, qui nunc “Misenus” ab illo
234
dicitur, aeternumque tenet per saecula nomen.
235