Book 6.168-182
The death of Misenus is described. A pyre is constructed for him.
postquam illum vita victor spoliavit Achilles,
168
Dardanio Aeneae sese fortissimus heros
169
addiderat socium, non inferiora secutus.
170
Sed tum, forte cava dum personat aequora concha,
171
demens, et cantu vocat in certamina divos,
172
aemulus exceptum Triton, si credere dignum est,
173
inter saxa virum spumosa inmerserat unda.
174
Ergo omnes magno circum clamore fremebant,
175
praecipue pius Aeneas. Tum iussa Sibyllae,
176
haud mora, festinant flentes, aramque sepulchri
177
congerere arboribus caeloque educere certant.
178
Itur in antiquam silvam, stabula alta ferarum;
179
procumbunt piceae, sonat icta securibus ilex,
180
fraxineaeque trabes cuneis et fissile robur
181
scinditur, advolvunt ingentis montibus ornos.
182