Book 6.133-144
The Sibyl instructs Aeneas to find the golden bough, hidden in a nearby grove, which will permit passage to the Underworld.
Quod si tantus amor menti, si tanta cupido est,
133
bis Stygios innare lacus, bis nigra videre
134
Tartara, et insano iuvat indulgere labori,
135
accipe, quae peragenda prius. Latet arbore opaca
136
aureus et foliis et lento vimine ramus,
137
Iunoni infernae dictus sacer; hunc tegit omnis
138
lucus, et obscuris claudunt convallibus umbrae.
139
Sed non ante datur telluris operta subire,
140
auricomos quam quis decerpserit arbore fetus.
141
Hoc sibi pulchra suum ferri Proserpina munus
142
instituit. Primo avulso non deficit alter
143
aureus, et simili frondescit virga metallo.
144